Lees jou gunsteling-tydskrifte en -koerante nou alles op een plek teen slegs R99 p.m. Word 'n intekenaar
Politiek
Good wys De Lille aan as premierskandidaat
Patricia De Lille, leier van Good. Foto: Lindile Mbontsi

Patricia de Lille, voormalige burgemeester van Kaapstad, is die Good-party se premierskandidaat vir die Wes-Kaap.

Die party, wat sy verkiesingsmanifes verlede week uitgereik het, het dié aankondiging Sondag gemaak.

Die party sê hy is opgewonde oor Suid-Afrikaners “van regoor die land” se reaksie op sy verkiesingsmanifes en dat daar vrywilligers is wat in ál nege provinsies vir die party werk.

Brett Herron, die party se woordvoerder, sê die manifes is gegrond op drie beleidsdokumente wat nog gefinaliseer moet word, wat volg op Good se beleidskonferensie drie weke gelede.

De Lille was die enigste benoeming in die Wes-Kaap.

Herron sê die party het die laaste paar weke gekyk na geskikte kandidate vir premiers in al die provinsies.

Provinsiale komitees in elke provinsie is gevra om benoemings aan die nasionale leierskap te stuur.

Die benoemings vir premiers in vier provinsies – die Wes-Kaap, Noord-Kaap, Gauteng en Noordwes – is gefinaliseer.

De Lille was die enigste benoeming in die Wes-Kaap.

Noordwes se kandidaat is Vivien Law, ’n sakevrou en filantroop. die Noord-Kaap se kandidaat is Leonard McKay, ’n voormlaige raadslid wat deesdae sy eie nieregeringsorganisasie bedryf en Gauteng het Lehlonolo Mtshali benoem. Mtshali is medestigter van die Township Business Association wat jong sakelui oplei en befonds.

Herron sê die proses om premierskandidate vir die ander vyf provinsies te kies is steeds onderweg.

Meer oor:  Patricia De Lille  |  Politiek  |  Good  |  Verkiesing
MyStem: Het jy meer op die hart?

Stuur jou mening van 300 woorde of minder na MyStem@netwerk24.com en ons sal dit vir publikasie oorweeg. Onthou om jou naam en van, ‘n kop-en-skouers foto en jou dorp of stad in te sluit.

Ons kommentaarbeleid

Netwerk24 ondersteun ‘n intelligente, oop gesprek en waardeer sinvolle bydraes deur ons lesers. Lewer hier kommentaar wat relevant is tot die onderwerp van die artikel. Jou mening is vir ons belangrik en kan verdere menings of ondersoeke stimuleer. Geldige kritiek en meningsverskille is aanvaarbaar, maar hierdie is nie ‘n platform vir haatspraak of persoonlike aanvalle nie. Kommentaar wat irrelevant, onnodig aggressief of beledigend is, sal verwyder word. Lees ons volledige kommentaarbeleid hier

Stemme

Hallo, jy moet ingeteken wees of registreer om artikels te lees.