Verskeie swaargewig-regspanne staan gereed om die regering en Eskom te takel oor beurtkrag.
Die eerste sake teen die kragverskaffer, die departement van openbare ondernemings en die elektrisiteitsreguleerder Nersa kan binne twee weke begin.
Een van die land se top-regsgeleerdes, adv. Tembeka Ngcukaitobi SC, het gister aan Rapport bevestig hy wil die regering met ’n hofsaak tot verantwoording dwing.
