Disney is bekend daarvoor om regte dorpe, stede of selfs kastele te gebruik as inspirasie vir hul animasie rolprente. Dink maar aan die bekende Neuschwanstein-kasteel in Duitsland, wat die inspirasie agter Sleeping Beauty (1959) se indrukwekkende kasteel was.

Neuschwanstein-kasteel in Duitsland. FOTO Unsplash

Maar dis nie al nie, die Franse dorpie Riquewihr, wat as een van die mooiste dorpies in Frankryk beskou word, was die vingerafdruk van Belle se tuisdorp in Beauty and the Beast (1991). Die dorpie is so mooi, dit voel of jy in ’n kunswerk ingeloop het.

Die Franse dorpie Riquewihr was die inspirasie agter Belle se tuisdorp in “Beauty and the Beast”. FOTO Instagram
FOTO Instagram
FOTO Instagram

Hier is nog Disney-plekke wat jy kan besoek:

Little Mermaid (1989)

Aan die oewer van ’n meer lê die pragtige Switserse kasteel, Chillon. Die kasteel se argitektuur was die inspirasie agter prins Eric se kasteel.

Chillon FOTO Unsplash

Tangled (2010)

Soos met Little Mermaid het die animasie kunstenaars inspirasie geput uit die argitektuur van die pragtige Franse eiland Mont-Saint-Michel om die koninkryk van Corona in Tangled te skep.

Mont-Saint-Michel in Frankryk. FOTO Unsplash

Snow White and the Seven Dwarfs (1937)

Die ewebeeld van die bose koningin se kasteel is die Spaanse kasteel, Alcázar van Segovia.

Die Spaanse kasteel, Alcázar van Segovia. FOTO Unsplash

The Lion King (1994)

Talle reservate in Tanzanië en Kenia het as inspirasie gedien vir The Lion King. Maar die openingstoneel is danksy Amboseli Nasionale Park in Kenia.

Amboseli Nasionale Park in Kenia. FOTO Unsplash