Die aktrise Mandy Moore is gister met 'n ster op Hollywood se Walk of Fame vereer.
Tydens die seremonie het die akteur Shane West 'n toespraak gelewer waarin hy hulde aan Mandy gebring het. Dié twee was in 2002 saam in die gewilde A Walk to Remember en Shane het staaltjies gedeel van hul tyd saam op stel.
In die film raak Shane en Mandy se karakters op mekaar verlief. Hy is die gewildste ou in die skool en sy 'n teruggetrokke, stil leukemielyer. Tog besluit die twee om te trou net voor haar dood.
