Corli, wat ook die eienaar is van Corli’s Kitchen, vertel die groot dag was onwerklik. “Dit was soveel meer as wat ’n mens op daardie oomblik kan inneem! Almal sê vir jou ‘geniet die dag, en elke oomblik want binne ’n oogwink is dit verby’ en dis werklik die waarheid.”
Dit was ’n dag wat Corli vir die res van haar lewe sal koester en baie naby aan haar hart vashou. “Dit was soos een van daardie troues waar jy werklik die oomblik in elke deel wou indrink – die seën, genade en gunstigheid kon ’n mens aanvoel in elke oomblik van elke deel van die seremonie.”
Corli het ’n verassingsboodskap en belofte wat sy opgeneem het, oomblikke voor sy die paadjie moes afstap, laat speel. “Dit was ’n belofte en liefdesbrief wat ek aan Waldo geskryf het, dit het Waldo, die gaste en sommer my eie hartsnare diep aangeraak en gesorg vir ’n paar emosionele hartsoomblikke.”
