Die jaar was 2003. Op 'n Griekse eiland het twee aantreklike Suid-Afrikaanse sepie-sterre ses episodes verfilm. Die sepie? 7de Laan. Die karakters? Wilmien de Lange en Zac Heymann. Dit sou op die eiland Santorini wees waar die vervreemde paartjie met mekaar herenig sou word. Die perfekte agtergrond vir die klimaks van die romantiese storielyn. 

SARIE het destyds saam met die twee akteurs, Nina Swart en Robert Bester, die regisseur, Henry Mylne, en die res van die klein filmspan na die eiland gereis.

Die vonk tussen die twee karakters was natuurlik. Die volgende ses episodes sou sepie-kykers in Suid-Afrika op die punt van hul stoel sit en wag vir die hardkoppige Wilmien en eiewys Zac om hul gevoelens aan mekaar te erken. Toe, uiteindelik, gebeur dit en eindig die laaste eiland-episode met 'n passievolle soen. 

"Ek en Robert het respek vir mekaar," het Nina destyds in 'n onderhoud aan SARIE gesê. "Ons is bewus van mekaar se foute en irritasies. Met dít uitgepluis het 'n mens net vertroue. Ons weet wat ons aan mekaar het."

Zac en Wilmien het op die eiland aan 'n modesessie vir SARIE deelgeneem.

Onthou jy nog die foto's?

FOTO Mark Cameron
FOTO Mark Cameron
FOTO Mark Cameron
FOTO Mark Cameron
FOTO Mark Cameron