“Ek het verlief geraak op die verskeidenheid en moontlikhede wat Los Angeles bied. Die lewe is kort en ek wil alles tot die diepste ervaar,” vertel sy.
Pascal was in Los Angeles met vakansie toe sy die skielike, lewensveranderende besluit gemaak het. “Ek het net ’n pyn in my hart gehad toe ek hier weg vlieg. En toe my vliegtuig vanaf New York (na Suid-Afrika) gereed was, toe vlieg ek die ander rigting in.”
Sy beskryf hierdie besluit om oor te begin in die vreemde in haar dertigs as die grootste en mees angswekkende avontuur van haar lewe. “Sonder ’n plan en met net een Suid-Afrikaanse vriend in LA wat my aan-cheer,” lag sy.
