In SARIE se Mei/Junie 2021-uitgawe gesels die joernalis Delia du Toit met hom. 

Net nadat hy 7de Laan in 2005 verlaat het, het Frank die rol van Angus in die internasionale trefferfilm Faith Like Potatoes (2006) gekry. “Die stardom destyds met 7de Laan, en toe dít. Ek was ’n oorambisieuse jong mens – niks minder as ’n Hollywood-film was daarna aanvaarbaar nie. Ek en my vrou, Leigh, het in 2008 Kalifornië toe getrek . . . en toe kry ek byna niks werk nie. Ek was jonk, na ef en het nie besef jy begin van voor af in ’n nuwe land nie.”

Hy het naderhand as opsigter by hul kerk en as taxibestuurder begin werk om die pot aan die kook te hou.

“Dit was moeilike tye. Jy het geen status nie, jou graad en ondervinding maak nie saak nie. Mense sien jou as ’n taxibestuurder. Dan definieer goeie diens en menseliefde jou. Dis waar jy leer om jouself lief te h . Dit het my baie verander.”

Hy het sy memoires, The Vagabond, in daardie taxi begin skryf. “Die ironie is dat ek my stem as kunstenaar in daai voertuig begin vind het. Ek het soontoe gegaan want ek het gedink ek weet wat my gelukkig gaan maak, maar ek het gekry wat nodig was. Ek het geleer om myself te vergewe, om gaaf te wees met myself. Daar was nóg moeilike dinge – my vrou het ’n paar miskrame gehad. En ek het besef sulke dinge kan jou bitter maak, of dit kan jou meer empatie gee.”

Daar is planne om sy memoires eersdaags te verfilm. En daar was ook groot rolle tussendeur, soos die films Hansie: A True Story (2008) en The Bang Bang Club (2010) en die internasionale reeks Warrior (2019). “Dit was dalk nie ’n Hollywood-film nie, maar ek is trots op my werk. Daar was heelparty lekker projekte. Ek weet nou om dankbaar te wees vir wat ek het.”

Frank se styl:

Sy passies is gholf, kitaarspeel asook ’n goeie paar leerskoene. Frank is elegant-stylvol en sê sonder ’n snyersbaadjie kan hy nie leef nie.

Vir SARIE se modeblaaie dra hy die volgende items:

  • Blou baadjie met elmboogdetail (R899), H&M.
  • Steenkleur gholfhemp met wit kraag as detail (R499), Zara.
  • Liggrys langbroek met ruitpatroon (R629), H&M.
  • Bruin leerinsteekskoene (R2 699), Aldo.
  • Bruin leerbelt (R250), Old Khaki.

GROOTTES:

Baadjie: 32R – 48R

Hemp: XS – XL Broek:

28R – 42R