“Ek sien al só lank daarna uit om my 30ste verjaarsdag te vier! Hierdie nuwe dekade van my lewe maak my opgewonde en ek voel gereed daarvoor,” vertel die pragtige vrou met ’n glimlag.
Marciel voel sy het baie geleer, gegroei en bereik in haar 20s. “So, ek het vrede en dankbaarheid oor hierdie mylpaal-verjaarsdag.”
Sy en haar man, Handré Lourens, vier die groot dag in Mauritius by die ongelooflike mooi vyfster-oord, Sugar Beach-hotel. “Ek wou graag wegbreek vir my verjaarsdag met ’n lekker eilandvakansie om te ontspan en herlaai, so ek is baie dankbaar dat World Leisure Holidays dit vir ons moontlik gemaak het.”
