Wat is die nuwe ‘rol’ wat jy vertolk?

Ek het besluit om vir ’n tyd van toneelspel weg te tree. My mees onlangste rol sal die van skrywer en regisseur wees. Ek het ’n draaiboek geskryf en gaan ook die regie behartig. Ek is opgewonde, maar terselfdetyd maak dit my ook bang.

Is die skryfproses vir jou maklik of uitdagend?

Kan ek sê beide? Dit kom natuurlik vir my, maar daar is tye wat ek voel ek sit vas en dan staar ek vir ure na my rekenaar. Om regie te doen is eenvoudig vreesbevange. Gelukkig is ek omring deur ’n span mense wat net so toegewyd soos ek tot hierdie nuwe avontuur.

View this post on Instagram

A post shared by quanita (@quanitadams) on

Jou eersteling Alia is nou 6 maande oud. Sal jy haar graag saamvat stel toe?

Glad nie, sy bly by die huis by haar pa en my man, Brian. Ons is baie gelukkig dat hy van die huis af kan werk. Wanneer ek werk toe gaan is hy volkome daddy daycare.   Hulle het hulle eie oulike vibe aan die gang. My ma help ook baie.

Waar gaan julle vanjaar Kersfees deurbring?

Die jaar is ons tuis. Hier in Kaapstad. My ma sal oorkom en tyd saam met ons deurbring. Dit sal belangrik wees om tyd met mekaar te spandeer, veral ná hierdie jaar. Ons het so baie om in mekaar te vier en die tyd wat ons het saam met mekaar koester.

Gaan jy iets lekkers maak om te eet?

Kyk, hoe ek dit sien, as ons by die huis gaan bly kan ons ook feesvier. Lekker tradisioneel. Ek is ’n boss as dit kom by die maak van beesfilet, ek is ernstig ... dis next level. Daar sal ook ’n hoendergereg wees. En ’n kerrie, dalk iets seekosserig. Hoe kan ek vergeet van gebraaide aartappels? Dis mos die koning van alle groentes. Brian sal sorg vir die nagereg. Hy is Amerikaans en maak graag sy geliefde, klassieke Amerikaanse pampoentert. Oh man, nou is ek lekker honger!

Daar is nog net twee maande oor van 2020. Wat is jou vyf wense vir die nuwe jaar?

* ’n Teenstof vir Covid-19. Ek wil graag weer veilig voel.

* Om te reis, sodat ons weer familie kan besoek en hulle ons.

* My loopbaan sal aanhou groei in hierdie nuwe opwindende rigting wat ek nou betree.

* My dogter, Alia, sal aanhou groei op ’n gesonde en gelukkige manier.

* Ek wens vir Brian se loopbaan ’n geleentheid vir groei toe. Sommer so baie dat hy baie geld gaan maak, gazillions! En dan kan ons sommer nommer 3 op die lys skrap en  ek kan ophou werk!