VBG-wenner, Nicqie van Kimberley: ‘Elkeen het ’n storie’

Haar lewe is ’n landskap van stories. Gee jy van jou tyd, sal Nicqie Robinson hulle een vir een vir jou vertel.

“My storie begin in 1986 . . .”

In die Namibiese dorp Mariental, waar die teerpaaie met stof verweef word, is sy gebore as die vierde kind van Alex en Marietjie Schaaf – toe reeds ouers van Marion, Alexander en Robbie. Dit was ’n huis gevul met vreugde.