Dit was ’n reusagtige produksie. Een vervaardiger en produksiebestuurder, ’n produksie-assistant, drie hare- en grimeerkunstenaars, twee garderobe en honderde uitrustings. ’n Fotosessie in Johannesburg by Stark Studios, waar die sepie Binnelanders, geskiet word. En in Kaapstad by Atlantic Studios waar verskeie produksies soos Suidooster, Tussen Ons, Arendsvlei en kykNET verfilm word.

Die rede? Om ’n nuwe hoofstuk en voorkoms van kykNET te vier .... #SoveelMeerAsNetTV. Vanjaar fokus hulle op die name en persoonlikhede wat ’n mens elke dag in jou leefkamer verwelkom. Van sepiesterre tot harde nuuslesers!

Die sepie-ster Jawaahier Petersen wat weeksaande in Suidooster te sien is. FOTO Willem Botha
Die Boer soek ’n vrou-aanbieder Marciel Hopkins. FOTO Willem Botha
Een van Bravo!-aanbieders Ewan Strydom in aksie. FOTO Willem Botha
Cindy Swanepoel, oftewel Binnelanders se dr. Annelize. FOTO Willem Botha

“Dit was ’n groot voorreg om deel van hierdie projek te wees, want kykNET doen altyd soveel moeite met alles wat hulle aanpak!” vertel Willem opgewonde. 

Name soos Denise Newman, Brümilda van Rensburg, Hykie Berg, Ewan Strydom en Tracey Lange het voor sy kamera gepronk. Gil! 

Hy sorg altyd dat almal eers op hul gemak is voor hy hul kiek. “Dit weerspieël in hul foto’s. Ons land het beslis van die mooiste mense!”

Die sepie-ikoon Denise Newman wat elke weeksaand in Suidooster verskyn. FOTO Willem Botha
Getroud met Rugby se Marlee van der Merwe. FOTO Willem Botha
Willem Botha, een van Kwêla se veldaanbieders, het ook self voor die kamera kom staan. FOTO Willem Botha

Maar dis nie waar die produksie geëindig het nie. Dié foto’s is oorhandig aan een hoofontwerper, twee assistentontwerpers en drie animeerders wat honderde verskillende elemente geskep het. Een musikale regisseur, een liriekskrywer en stemkunstenaar, en een klankinginieur het gesorg vir ’n vars, nuwe klank vir dié elemente. Twee redigeerders het dit alles saamgesit en verpak en die hele proses is oorsien deur een kreatiewe regisseur en kopieskrywer en een skeppende hoof.

Sjoe, dis ’n mondvol!

Volgens Leo Smit, bemarkingsbestuur van kykNET, wou hulle juis die mense van kykNET in die hart van die handelsmerk plaas. “Met die positionering van kykNET as ‘n Premium handelsmerk in Afrikaans was dit belangrik om die grafika aan te pas om die kwaliteit van ons inhoud ook te weerspieel. kykNET is een van die grootste Afrikaanse handelsmerk in Suid Afrika - en ons is rerig trots op die bane/weë wat die kanaal oor die afgelope 21 jaar neergelê het in die breër Afrikaanse vermaaklikheids-ekosisteem. Soveel meer as net TV.”

Hykie Berg, wat weeksdae te sien is as dr. Conrad Bester in Binnelanders. FOTO Willem Botha

Tracey Lange van Tussen Ons en Bravo! FOTO Willem Botha
Janina Oberholzer van Toks & Tjops. FOTO Willem Botha
Marijke Coetser van Getroud met Rugby-faam. FOTO Willem Botha

Is jy of iemand wat jy ken die volgende #SARIEvoorbladgesig of #SARIEnuwegesig? Gaan na voorbladgesig.sarie.com om jouself of iemand anders in te skryf! Inskrywings sluit 10 Mei.

voorbladgesig skryf in 10 mei