Tussen Kaapstad se wolkekrabbers het die akteurs Cintaine Schutte en Carel Nel hul liefdesbriewe vir mekaar voorgelees. Daar is feesgevier en gedans, gejubel ook. Want toe wen die Springbokke mos die Wêreldbeker op hul spesiale dag.

Hier het ons vir mekaar lief geraak
Cintaine

Ek is só opgewonde.” Cintaine oor en oor voor die groot dag. “Kaapstad is ons stad en ons is liéf vir die plek. Hiér het ons ontmoet, vir mekaar lief geraak en saam ons lewe gebou. Dis boonop een van die mooiste plekke in die wêreld. Ek en Carel is stadsmense, love die vibe, die gons daarvan.

Vanaf Nasdak, op die 26ste verdieping van die Media24-sentrum waar die troue gehou is, kan jy boonop oos, wes, noord en suid die Moederstad in al haar glorie waarneem. En fotograaf Jenni Elizabeth het “koel” stadsfoto’s geneem.

Om by die stadstema te pas was die troue minimalisties en modern. Maar Tafelberg op die agtergrond het vir ’n aardse klap gesorg. Met proteas, die oorheersende blom op die onthaal en in haar ruiker, wat die berg komplementeer. Gaste het hulle met roosblare geseën.

Cintaine
’n Mooi oomblik op die plein voor die Kaapse Burgersentrum langs die Hertzog-boulevard.

Cintaine het eers dae voor die troue besluit om nie ’n sluier te dra nie. “Die eerste ding wat Carel moes sien wanneer ek hom tegemoet stap, was my glimlag wat van oor tot oor strek. Ek wou hom vol in die oë kyk.” Haar donker hare was in ’n poniestert vasgebind om die klem te laat val op die trourok se rug: besonderse kralewerk en lyne wat horisontaal en vertikaal loop.

Cintaine se pa, Bernhard, het haar in sy rolstoel tot by Carel vergesel. Hy wou vooraf weet of haar ma, Hesté, dit nie liefs moes doen nie. “Wát! Ek klim op daai karretjie, of staan agterop as dit nodig is. Ek gaan met jou dans!” was haar spontane antwoord.

Die trougevolg
Die trougevolg (van links): Petri Wessels, Mirishin Schutte, Roeline Daneel, Willem Botha, Zeané Schoeman, Cintaine, Carel, Lindi Nieuwoudt, Ross Cooper, Nini Conradie, Nanda Hall, Mareli Olivier en Wilhelm van der Walt. Die strooimeisies en blommemeisie se uitrustings het bestaan uit ’n geplooide romp en ’n bloes met ’n sagte, vloeiende mou. Omdat hul rokke in sterk kleure was – mosterd, bruinrooi en smaraggroen – was die strooijonkers se pakke ’n eenvormige swart.

Die 130 gaste het van so ver as Londen (Carel se suster, Nanda Hall) en Viëtnam (Lindi Nieuwoudt, ’n strooimeisie) gekom. Carel se familie is Bloemfonteiners en Cintaine s’n van Gauteng. Op die gastelys was die room van ons plaaslike vermaakbedryf, onder andere Sandra Prinsloo, Albert Maritz en Brendon Daniels. Pedro Kruger het as “troukonsultant” hulle met raad en daad bygestaan. “Omdat ons nie oorspronklik van Kaapstad afkomstig is nie, is ons vriende soos familie,” vertel Cintaine.

Daai einste dag wen die Bokke toe boonop die Wêreldbeker. “Die gelukkigste dag van my lewe. Ons het tot in die vroeë oggendure feesgevier en gedans. En Cintaine ... die mooiste bruid ooit,” sê Carel. “’n Dag vol liefde,” voeg sy by.

bruid
Stadsmense in hart en siel. Die hartklop van Waalstraat en kleurryke Bo-Kaapse huise is die perfekte agtergrond vir dié twee se troufoto’s.
Cintaine
Welcome to Africa . . . kondig die Kaapstadse Internasionale Konferensiesentrum aan. Cintaine en Carel aan die onderpunt van Adderleystraat met 130 gaste wat op die dak van ’n stadsgebou op die paartjie wag. Daar waar Tafelberg elkeen innooi
Carel Nel
Nel, Carel Nel. Koel-elegant in die St. Georgewandelhal in ’n modieuse donkerbruin pak wat strook met sy voorliefde vir aardse kleure. Sy hemp was eenvoudig wit en sy das dieselfde kleur as die pak
bruid
Sprokiesmooi in die Gorgeous George, die boetiekhotel in die hart van die stad. Cintaine se bloospienk rok is romanties én modern. ’n Sagte A-lyn is as basis gebruik, die halslyn hoog, maar gesny om haar sleutelbene te wys. En hoewel die voorkant taamlik kuis is, is die rugkant oop. Daar is kralewerk rondom die styllyne, soos die halslyn en geskulpte laer middellyf, en ’n kombinasie van materiale soos chiffon en tulle gee die romp ’n sagtheid. Guipure-kant skep weer ’n meer boheemse gevoel. Haar treffende oorbelle is handgemaak.
blomme
Daar was nie blomme op die tafels nie, maar enkelsteel-proteas het uit die dak gehang. Dit het ’n minimalistiese en moderne stemming geskep wat by die stadsomgewing pas. Cintaine en Carel is albei gek na proteas, wat ook die inspirasie vir die kleurskema was: ’n palet van mosterd, bloospienk, bruinrooi en smaraggroen
Cintaine
Saam met Cintaine se pa, Bernhard, haar ma, Hesté, en suster, Mirishin.
Cintaine
Die groot bruidsruiker het jou na jou asem laat snak. Omdat proteas hard en grof kan lyk, is oop tuinrose en pinksterrose gebruik vir ’n sagter voorkoms. ’n Verskeidenheid loof skep ’n rankerige, vloeiende effek.
Cintaine en Carel
Langs Carel staan sy ma, Dalina, en langs Cintaine sy suster, Nanda, ’n “strooijonker”, sy swaer James Hall en hul seun John. Heel links is hul ander seun, Ernest.
 Binne Carel se platinum-trouring het Cintaine as
Binne Carel se platinum-trouring het Cintaine as ’n verrassing “my vabond” laat graveer, haar troetelnaam vir hom.
troue
Die paartjie het hul eie troubeloftes geskryf, ’n “liefdesbrief aan mekaar”. Jaco Nothnagel, ’n goeie vriend, het die seremonie behartig
troue
Meneer en Mevrou . . . Cintaine se troupant is ’n ewigheidsring van 18 kar.-witgoud met diamante. Dit pas mooi by haar witgoudverloofring met ’n groter ronde en ook kleiner diamante.
 Pragtige Dendrobium-orgideë.
Pragtige Dendrobium-orgideë.
Herman Lensing
Herman Lensing, SARIE se kosredakteur, het die spyseniering gedoen. Die hoofgereg was onder meer rafelvark en -lam, gerookte hoemoes, heuning tzatziki, roosmalvatamaties, spekkrokette en sagte mielietacos. Daar was nie ’ntroukoek nie, maar as verrassing kon gaste self ’n draairoomys by ’n roomysmasjien maak.
Cintaine
Die bruidspaar klink saam met Eben Grobler ’n glasie op die Bokke se Wêreldbekeroorwinning daai einste dag! Met Carel wat wys sy hart is Groen-en-goud.
Nadia Valvekens
Aktrise Nadia Valvekens en skrywer Bibi Slippers
Beer Adriaanse
V.l.n.r. Akteurs Lindi Nieuwoudt, Mila Guy en Beer Adriaanse.
Aktrise Rolanda Marais
Aktrise Rolanda Marais
Sandra Prinsloo
Aktrise Sandra Prinsloo gesels met regisseur Christiaan Olwagen.
Jacques Bessenger
V.l.n.r. Akteurs Wessel Pretorius, Jacques Bessenger en Roelof Storm.
Mariechen Vosloo
Rocco Pool, stelontwerper, kunstenaar Hannah Lewis, aktrise Mariechen Vosloo en akteur Andrew Laubscher.
Gideon Lombard
V.l.n.r. Akteurs Lea Vivier en Gideon Lombard, en sy meisie, Olga Rademan.
De Klerk Oelofse
Carel: “De Klerk [Oelofse] was die beste MC in die heelal. Hy het ons van die begin af uitgehaal en ons kon nie ophou lag nie. Hy het selfs ’n kamisjibai-show, ’n ou Japannese teaterstyl, gedoen oor hoe ons ontmoet het en ons verhouding met mekaar,” sê Cintaine
FOTO'S Jenni Elizabeth
FOTO'S Jenni Elizabeth
FOTO'S Jenni Elizabeth
FOTO'S Jenni Elizabeth
FOTO'S Jenni Elizabeth
FOTO'S Jenni Elizabeth
FOTO'S Jenni Elizabeth
FOTO'S Jenni Elizabeth
 ’n Mooi oomblik saam met pa Bernhard.
’n Mooi oomblik saam met pa Bernhard.
Carel Nel
’n Stywe drukkie vir ma Dalina. Carel se pa, Kerneels, is reeds oorlede.
heildronk
V.l.n.r. Regisseur Nico Scheepers, musikant Pedro Kruger en regisseur Hennie van Greunen drink ’n heildronk. Heel links is Nico se lewensmaat, Mild Vachananda.
Hulle wou ’n “vet party” hê – en dit was.
Hulle wou ’n “vet party” hê – en dit was.