Hier is agt tradisies waarvan jy kan wegbreek om seker te maak jul troue is uniek én ’n weerkaatsing van jul identiteit as paartjie.

1. Die kanselpaadjie

Dis lankal nie meer net ’n pa-dogter-tradisie nie. Jy kan saam met jou ma, albei ouers of vrou alleen die pad af stap. En ja, die bruidegom, kan ook na die kansel toe loop. 

View this post on Instagram

A post shared by Custom Wedding Invitations (@brownfoxcreative) on

2. Bruid se ouers betaal

Deesdae verkies die bruidspaar om self vir hul groot dag te betaal. Sommige ouers maak egter steeds ’n klein bydra. ONTHOU: Jy hoef nie baie geld uit te gee om jou troudag spesiaal te maak nie. Die geheim? Kies slim en sny sekere elemente (tradisies) uit wat nie vir jou en jou geliefde werk nie.

3. Wit diamant

Tradisioneel is vroue se verloofringe versier met wit diamante. Maar deesdae is edelstene die fokuspunt. Wees kreatief met jou verloofring: Smarag, tanzaniet, saffiere en selfs morganiet-steen kan gebruik word om ’n unieke verloofring te maak. ONTHOU: Jy moet daarvan hou, moenie so seer ’n tendens volg as dit nie jy is nie.

4. Geskenke (vir die kombuis)

Party paartjies se kombuis is reeds ingerig voor die groot dag. Sommige paartjies doen weg met die trougeskenk-tradisie. Terwyl ander hul gaste eerder aanmoedig om kontant te gee.

5. Al die strooimeisies lyk dieselfde

Almal se smaak en figuur verskil, moenie jou gevolg dwing om in dieselfde rok in te pas. Gee jou strooimeisies eerder ’n palet van gekose kleure of laat elkeen toe om ’n styl te kies wat haar figuur komplimenteer.

6. Die gooi van die kousband en ruiker

Moenie jou gaste straf met hierdie tradisie wat hul dikwels eintlik ongemaklik laat voel nie. Daar is talle ander maniere om te verseker dat almal hulself steeds geniet. 

7. Wit trourok

Ja, dra watter kleur jy wil ... dis jou groot dag. As jy wit verkies, is dit ook reg. Maar jy kan selfs wegbreek van wit met ’n ligte sjampanje, blospienk of motief!

8. Eerste kykie na die bruid

Party mense glo dis bad luck of swak smaak vir die bruid en bruidegom om mekaar te sien voor die troue. As jy egter nie so voel nie, het jy die geleentheid om van vroegoggend af die dag saam met jou verloofde te geniet! Jy, jou bruidegom en jul gevolg kan saam ontbyt eet en regmaak vir die groot oomblik. 

Vir meer trou-inspirasie, of om die trourok van jou drome te vind, gaan na SARIE Bruid: (ver)koop my rok & ander dienste.

Bronne: Martha Stewart | Vogue