Episode 6:

Ná die verlies van sy ma vier Herman Lensing haar lewe en liefde vir kos in ’n plattelandse kombuis naby Malmesbury. Die aktrise Donnalee Roberts kuier in Episode 6 by hom en saam maak hulle kos wat proe soos huis.

Basiese bolognese

genoeg vir 6

  • 45 ml olyfolie
  • 250 g spek, grofgekap
  • 1 ui, fyngekap
  • 2 knoffelhuisies, gekap
  •  500 g maalvleis
  • 1 x 400 g-blik tamaties
  •  250 g tamatiepuree
  • hand vol tiemie
  • 350 ml rooiwyn
  • 100 g parmesaankaas, gerasper
  • sout en varsgemaalde swartpeper

Verhit olyfolie tot warm in middelslag-pot. Voeg spek, ui en knoffel by. Roerbraai vir 5 – 8 minute of tot spek mooi bruin is. Voeg maalvleis by en braai verder vir nog 5 – 8 minute of tot die vleis bruin is. Maak seker jy roer al die klonte in die maalvleis goed sodat jy ’n lekker los vleismengsel het. Voeg blik tamaties, tamatiepasta, helfte van tiemie en al die rooiwyn by. Meng goed en sit hitte op laag. Laat stadig prut vir minstens 90 minute terwyl jy dit elke 10 minute roer. (Hoe langer die mengsel kook, hoe lekkerder die sous.) Voeg parmesaankaas en res van tiemie by. Roer weer. Geur goed met sout en varsgemaalde swartpeper.

Kyk die proe soos huis op VIA-tv (kanaal 147):

Maandag om 17:30 met

Heruitsending op Maandae om 11:30 en 23:30, Woensdae om 19:00 en Sondae om 16:30