1. Bean in Love

Bean in Love is ’n oulike koffiewinkel en brouery met ’n knus atmosfeer. Dis geleë in ’n ou kerkie in die hoofstraat van die Paarl. Dit gons behoorlik elke dag van mense wat aan koffie teug en met hulle vriende gesels. Maar deesdae is dit ook ’n ruimte waar mense voor hul rekenaars sit en tik. Dis perfek vir ’n vroegoggend koffie of ’n ligte middagete en dit is selfs die ideale plek vir ’n kantoor weg van die huis af. Boonop is daar ook deli-produkte, geskenke en selfs ’n paar plante te koop.

FOTO Instagram / Bean in Love

Wat om te eet?

’n Tramezzini met gesmelte kaas, spek en avokado.

OF

As jou soettand koning kraai, is ’n pannekoek met karamel en piesang ’n goeie opsie.

Wat om te drink?

Al die koffie op Bean in Love se spyskaart is heerlik - hulle is immers ’n koffie-brouery. Maar wat nog van hulle uitstaan is ’n lang lys dekadente melkskommels: Van kaneel-pannekoek tot bottertoffie en Romany Creams. Maar my persoonlike gunsteling is die karamel-springmielieskommel.

Inligting

Waar? 287 Hoofstraat, Esterville, Paarl, 7646

Tye? Maandae tot Vrydae: 07:00 – 17:00

Saterdae: 08:00 – 14:00

Sondae: Toe

Klik hier om hulle webtuiste te besoek. 

2. Bouquet Café

Bouquet Café is die nuutste toevoeging tot die Paarlse koffietoneel. Die dekor is vrolik, vroulik en elegant. Nooi jou vriendinne en kom geniet ’n sny varsgebakte koek, drink ’n sterk koppie koffie uit hul mooi blospienk of saliegroen bekers en verkyk jouself aan al die detail en blomme. Onthou twee goed: Jou kamera en om daarna ’n draai langsaan by die geskenkwinkel LE | RU te maak.

FOTO Instagram / Bouquet Café

Wat om te eet?

Franse roosterbood met kaneel, soutkaramel en gekarameliseerde piesang.

OF

’n Snykoek.  

Wat om te drink?

’n Latte of Red Cappuccino

Om te weet

Waar? 193 Hoofstraat, Rozenfontein, Paarl, 7646

Tye? Maandae – Vrydae: 09:00 – 17:00

Saterdae: 09:00 – 13:00

Sondae: Toe

Klik hier om hulle Instagram-blad te besoek.

3. Kikka Boulevard

Geleë in ’n ou tronk langs die pragtige Bergrivier, is Kikka Boulevard omtrent ’n belewenis. Hier spog hulle met ’n bloemis, ’n koek – en broodbakkery, sowel as ’n vleisroker. Die boonste verdieping kan ook gehuur word vir intieme geleenthede soos kombuis- en babatees of kan selfs gebruik word vir klein konferensies.

FOTO Instagram / Kikka Boulevard

Wat om te eet?

Die spek, cheddarkaas en sampioen pannekoek bedien met slaai, groente of aartappelskyfies.

Wat om te drink?

’n Gegeurde cappuccino of caffé latte - kies tussen vanielje, haselneut of Amerikaanse fudge.

OF

Koffie wat met die Siphon-koffiemaker gebrou word.

OF

Yskoue Rooibos-espresso met appelsap.

Om te weet

Waar? 25 Bergrivier Blvd S, Paarl, 7646

Tye? Maandae – Vrydae: 07:00 – 17:00

Saterdae: 08:00 – 15:00

Sondae: Toe

Klik hier om hulle webtuiste te besoek. 

4. My Cross Aunt

My Cross Aunt is ’n gesellige deli geleë in die hoofstraat van die Paarl. Dis die perfekte plek vir ontbyt, middagete, koffie, fyngebak of koek. Daar is ook plaaslike kuns te koop. 

FOTO Instagram / My Cross Aunt

Wat om te eet?

Probeer gerus een van hulle burgers of die nederige croissant.

Wat om te drink?

My Cross Aunt spog met hulle eie versnit koffie, so drink ’n espresso of cappuccino om daardie geure te geniet.

Om te weet

Waar?

135A Hoostraat, Vrykyk, Paarl, 7646

Tye?

Maandae – Vrydae: 07:00 – 17:00

Saterdae: 08:00 – 15:00

Sondae: Toe



Klik hier om hulle Instagram-blad te besoek.

5. Knus Karoo Kombuis

As jy ’n stuk van die Karoo se warmte en gasvryheid beleef is Knus Karoo Kombuis jou antwoord. Dink enigiets van pannekoek tot biltong en roosterkoek. Daar is selfs lamspastei op die spyskaart. Hulle verkoop ook oulike produkte soos beskuit, boerseep en konfyt wat deur die Karoo geïnspireer is.

FOTO Instagram / Hey Western Cape

Wat om te eet?

Die biltong ontbyt wat bestaan uit geposjeerde eiers met beesbiltong en hollandaise-sous bedien op roosterkoek.

Wat om te drink?

’n Karoo cappuccino.

Om te weet

Waar? Bovenland, Pieter Hugo, Paarl, 7646

Tye? Maandae, Dinsdae, Donderdae & Vrydae: 07:30 – 16:00

Woensdae: 07:30 – 17:30

Saterdae: 08:00 – 15:00

Sondae: Toe

Klik hier om hulle webtuiste te besoek. 

6. Sit Café

Opsoek na ’n lekker ontbyt of ligte middagete? Dan is Sit Café net die plek vir jou. Vertoef op hulle stoep met ’n beker koffie of ’n heerlike glas wyn saam met jou ete. En as dit nie genoeg is om jou te oortuig nie, is daar ook goeie kunswerke en ’n rak vol tweedehandse boeke om te koop.

FOTO Marzanne Schoeman

Wat om te eet?

Die Turkse ontbyt met geposjeerde eier, platbrood, jogurt, hummus en pesto.

OF

Sit op ’n hoop, ’n ontbyt met roosterbrood, kaas, jogurt en tamaties

Wat om te drink?

’n Groot cappuccino, natuurlik!

Om te weet

Waar? 125 Hoofstraat, Vrykyk, Paarl, 7646

Tye? Maandae – Vrydae: 07:30 – 17:00

Saterdae: 08:00 – 15:00

Sondae: Toe

Klik hier om hulle Instagram-blad te besoek. 

7. Café Frenchie

Die Franse Bulhond, ook bekend as die ‘Frenchie’, is die inspirasie agter Jaydee Joubert se Café Frenchie, ’n bistro en wynkroeg geleë in die Rembrandt-inkopiesentrum.

FOTO Instagram / Cafe Frenchie

Wat om te eet?

’n Bagel met roereier, spek, pesto mayo en roketblare.

Wat om te drink?

’n Haselneut-latte

Om te weet

Waar? Winkel 34, Rembrandt inkopie-sentrum, op die hoek van Dorp- en Bergrivierstraat.

Tye? Maandae – Vrydae: 07:30 – 18:00

Saterdae: 08:00 – 16:00

Sondae: 09:00 – 14:00

Klik hier om hulle webtuiste te besoek. 

LEES OOK

10 lekkerste ontbytplekke in Stellenbosch