In dié episode kuier die aktrise, Annelisa Weiland, by Herman en kook hulle Frans.  

Ons gesels met Annelisa oor kook en Frankryk.

KOS
FOTO VIA

1. In hierdie episode kook jy en Herman Franse kos. Is jy lief vir Franse geregte?

Ek het nie veel geleentheid om Franse kos te geniet nie, maar wanneer die geleentheid homself opdoen, is dit vir my baie lekker. Ek is nie regtig ’n avontuurlustige eter nie, maar ek is ’n bok vir enigiets. Net nie branderige kos nie!

2. As jy Franse kos vir jou geliefdes kan kook, wat sal op jou spyskaart wees?

As ek kos moet kook vir my geliefdes gaan ek eerder ’n caterer kry.  

3. Wat was jou gunsteling-oomblik op die program? Het jy iets nuuts by Herman geleer?

Ek was absoluut verstom oor alles wat hy in die mikrogolf gemaak het. Bygesê dit is ’n baie fancy mikrogolf, maar hy kan regtig enigiets waaraan jy kan dink daarin optower. Ag, en Herman is so ’n fees!

4. Julle maak ’n prei-en-aartappelsop in die episode. Wat is jou gunsteling sop?

Botterskorsie-sop

5. Het jy al Frankryk besoek?  In Frankryk word paddadboudjies beskou as ’n delikatessen. Sal jy dit eet?

Ek het ja. Ek was in my prulle jeug in Parys, maar ek was meer onlangs by my voormalige base se huis in Pervillac, in die Franse platteland.

6. In Frankryk word paddadboudjies beskou as ’n delikatessen. Sal jy dit eet?

Net as ek niks anders gehad het om te eet nie. Eintlik net as ek regtig besig is om van hongerte dood te gaan.

Blitsvrae

Croissants of kaaskoek? Croissants

Soet of sout? Sout

Kampeer of in 'n hotel bly? Eerder 'n fancy kampeerplek as 'n slegte hotel

Lees of fliek? Fliek

Sonsopkoms of -ondergang? Sonsondergang

Resep uit VIA-episode

Prei-en-aartappelsop

KOS
FOTO VIA

Hierdie klassieke sop kan jy warm of koud voorsit, dis jou keuse.

Genoeg vir 6

  • 45 ml botter
  • 30 ml olyfolie 
  • 400 g dik spek (Kasselse tjops), in blokkies gesny 
  • 4 grasuie, fyngekap 
  • 4 preie, gesny
  • 500 g aartappels, geskil
  • 250 ml hoenderaftreksel
  • 200 ml melk 
  • 250 ml room
  • sout en varsgemaalde swartpeper 

Plaas die botter, olyfolie, spek, grasuie en preie in ’n mikrogolf-bestande bak en mikrogolf vir 5 minute of tot dit begin verbruin. Sny die aartappels in growwe stukke en voeg dit by. Mikrogolf vir 5-8 minute. Voeg die aftreksel, melk en room by en bring tot kookpunt. Mikrogolf vir 5 minute. Verwerk dan in ’n voedselverwerker tot ’n gladde mengsel. Geur goed met sout en swartpeper. Sit warm voor.

Kry die episode se volledige resepte op VIA se amptelike webtuiste - klik hier.