Askoek

akkreditasie
FOTO Donna Lewis
FOTO Donna Lewis
Noem dit roosterkoek of askoek, dié brood wat jy oor die kole en as gaarmaak, bly heerlik. Sit dit voor met vyekonfyt, nes die Karoo se mense.

genoeg vir 8

  • 10 g sout
  • 1 x 10 g-sakkie kitsgis
  • 20 ml heuning
  • 45 ml olyfolie
  • 1 kg koekmeel

Plaas 600 ml louwarm water saam met die sout, gis, heuning en olie in ’n middelslag-mengbak en meng goed. Voeg meel geleidelik by terwyl jy met ’n houtlepel roer tot ’n stywe, kniebare deeg vorm. Voeg ekstra meel by as deeg te klam is. Knie sowat 10 minute op ’n meelbestrooide werkvlak tot deeg glad en elasties is. Sit in ’n bak wat met olie gesmeer is en draai toe in kleefplastiek. Laat rys op ’n warm plek tot dubbel die volume, sowat 30-45 minute. Kry intussen die kole reg. Dit moenie te warm wees nie – jy moet jou hand sowat 20 sekondes bo die kole kan hou. Sprinkel koekmeel op werkvlak en keer deeg uit. Druk dit plat tot sowat 1 cm dik. Sny in lang repe van sowat 5 cm breed en dan elke reep in porsies van sowat 8 cm lank. Laat nog 10 minute rys op ’n meelbestrooide bord. Braai stadig oor warm kole tot goudbruin en gaar, 5-8 minute per kant. Sit warm voor met botter en vyekonfyt. Wenk Jy kan die deeg ook by jou naaste supermark se bakkery koop

JONGSTE UITGAWE

SEPTEMBER/OKTOBER 2021

JONGSTE UITGAWE
SARIE is dié glanstydskrif van die Afrikaanssprekende vrou van Suid-Afrika.
Begin lees
Nuusbriewe: Registreer gratis

Registreer vir ons nuusbrief en bly op hoogte van die jongste SARIE-nuus.

Klik vir nuusbriewe
SLIMMER MET SARIE

Tuiskokke, raak slimmer met SARIE!

SLIMMER MET SARIE
Skerp jou vaardighede op met Herman Lensing se kookkursus.
Sien meer
SARIE BRUID: (VER)KOOP MY ROK EN ANDER DIENSTE
SARIE BRUID: (VER)KOOP MY ROK EN ANDER DIENSTE
Splinternuut! Nou kan jy ander bruide inspireer met jou trourok, -produk of -diens. Of inspirasie vir jou droomtroue binne die SARIE-wêreld kry.
Begin lees