Sjokoladekaaskoek met Bar One-bolaag

akkreditasie
FOTO Micky Hoyle
FOTO Micky Hoyle

GENOEG VIR 1 KAASKOEK VAN 25 CM KORS

• 1 x 200 g-boks sjokoladekoekies (Romany Creams)

• 100 g (108 ml) botter, gesmelt

VULSEL

• 250 ml room

• 100 g 70%-donkersjokolade, fyngekap

• 100 g melksjokolade, fyngekap

• 100 g witsjokolade, fyngekap

• 750 g roomkaas

• 1 x 385 g-blik kondensmelk

• 105 g (125 ml) strooisuiker

• 2 eiers

• 10 ml vlapoeier

• 4 x 55g toffiesjokolade (Bar-One)

• 100 ml room

1. Verhit oond tot 160 °C. Spuit ’n 25 cm-losboomkoekpan met kossproei. Plaas op bakplaat. Kap koekies fyn en meng met gesmelte botter. Voer bodem van pan uit met koekiemengsel en druk stewig vas. Plaas in yskas tot benodig. Verhit room tot kookpunt. Plaas 3 soorte gekapte sjokolade in drie bakke. Verdeel warm room tussen bakke (sowat 80 ml in elk). Roer tot gesmelt. Laat eenkant afkoel. Klits roomkaas, kondensmelk, suiker, eiers en vlapoeier in ’n elektriese menger tot lig en romerig. Verdeel tussen drie groot mengbakke en voeg een soort gesmelte sjokolade by elke bak. Meng goed.

2. Skep donkersjokolade-mengsel eerste in uitgevoerde ringvorm.

3. Gooi witsjokolade-mengsel volgende oor.

4. Rond af met melksjokolade-mengsel. Bak 40 minute en verminder oond se temperatuur tot 120 °C. Bak nog ’n uur. Skakel oond af en laat kaaskoek afkoel in oond. Smelt toffiesjokolade en room saam oor lae hitte terwyl jy heeltyd roer. Laat afkoel tot dik sous vorm. Skep oor kaaskoek. Verkoel oornag in yskas. Verwyder ring, garneer met sjokoladeskerwe en sit voor.

*Hierdie resep het oorspronklik in SARIE KOS Februarie / Maart 2015 verskyn. 

JONGSTE UITGAWE

SEPTEMBER/OKTOBER 2021

JONGSTE UITGAWE
SARIE is dié glanstydskrif van die Afrikaanssprekende vrou van Suid-Afrika.
Begin lees
Nuusbriewe: Registreer gratis

Registreer vir ons nuusbrief en bly op hoogte van die jongste SARIE-nuus.

Klik vir nuusbriewe
SLIMMER MET SARIE

Tuiskokke, raak slimmer met SARIE!

SLIMMER MET SARIE
Skerp jou vaardighede op met Herman Lensing se kookkursus.
Sien meer
SARIE BRUID: (VER)KOOP MY ROK EN ANDER DIENSTE
SARIE BRUID: (VER)KOOP MY ROK EN ANDER DIENSTE
Splinternuut! Nou kan jy ander bruide inspireer met jou trourok, -produk of -diens. Of inspirasie vir jou droomtroue binne die SARIE-wêreld kry.
Begin lees