Die tert word in ’n bak met ’n deursnee van 24 cm gebak.
Koekiekrummelkors
genoeg vir 1 tert
• 1 pak (200 g) koekies (bv. Tenniskoekies)
• 150 ml gesmelte botter
Kap koekies fyn in voedselverwerker. Voeg gesmelte botter by en meng goed. Haal uit en druk vas op bodem en rand van 24 cm-tertbak. Verhit oond tot 180 °C. Bak 10 minute in warm oond. Haal uit en laat afkoel.
Gooi 400 ml room, 2 ml vanieljegeursel en 100 g (120 ml) strooisuiker in ’n kastrol. Verhit tot net voor kookpunt, maar moenie laat kook nie. Breek 400 g 70%-donkersjokolade in ’n mengbak en voeg 50 g (55 ml) botter by. Gooi warm roommengsel oor en roer tot sjokolade en botter gesmelt het. Skep in uitgevoerde tertbak en laat stol minstens 4 uur in yskas. Braai 100 g gepelde haselneute in pan tot net bruin. Sprinkel neute bo-op vulsel en sit voor.
