Griekse lamspasta

FOTO Michael le Grange

genoeg vir 4-6

  • 30 ml olyfolie
  • 1 ui, fyngekap
  • 2 knoffelhuisies, fyngekap
  • 2 takkies origanum, fyngekap
  • 500 g lamsmaalvleis
  • 50 g-sakkie tamatiepasta
  • 400 g-blik tamatiepuree
  • sout en varsgemaalde swartpeper
  • 400 g strikdaspasta
  • 4 wiele fetakaas, gekrummel
  • 200 g ontpitte groen olywe

Verhit olyfolie tot warm in groot pot. Voeg uie, knoffel en origanum by en braai tot uie deursigtig raak, sowat 2-3 minute. Voeg maalvleis by en verhoog hitte. Roerbraai tot korrelrige tekstuur en vleis begin verbruin, sowat 8-10 minute. Voeg tamatiepasta by en braai nog 2 minute. Voeg puree by en meng deur. Verlaag hitte en laat prut vir 10-15 minute of tot ’n geurige vleissous vorm. Geur goed met sout en peper. Terwyl sous kook, maak pasta gaar volgens aanwysings op pak. Dreineer. Voeg pasta by sous en meng deur. Skep op dienbord en sprinkel feta en olywe oor. Sit voor.

Wil jy jou vaardighede in die kombuis opskerp? Herman Lensing, SARIE se kosredakteur, sjefs en ander kosghoeroes deel hul geheime met jou. Ja, Slimmer met SARIE,  aanlyn kookkursus bestaan uit 13 klasse en jy kan die klasse kyk soos jy dit nodig kry. Plus jou intekening verval nie! Besoek nou die webtuiste.