Kosblik-idees: Piesang-en-patat-plaatkoekies

akkreditasie
FOTO Willem Lourens
FOTO Willem Lourens
Piesang en patat sorg vir natuurlike soetigheid, sodat suiker onnodig is in hierdie plaatkoekies.

GENOEG VIR SOWAT 15 PLAATKOEKIES

• 375 ml hawermout

• 5 ml kaneel

• 7,5 ml bakpoeier

• knippie sout

• 230 g (250 ml) gaar soetpatat, fyngedruk

• 130 g (1 medium) piesang, fyngedruk

• 250 ml melk

• 1 eier

• 30 ml kanola-olie

• 2,5 ml vanieljegeursel

• 125 g bloubessies

Pols die hawermout fyn in ’n voedselverwerker. Plaas die fyn hawermout, kaneel, bakpoeier en sout in ’n mengbak. Voeg die patat, piesang, melk, eier, olie en vanieljegeursel by en meng tot dit ’n gladde beslag vorm. Verhit ’n kleefvrye pan oor medium hitte. Spuit liggies met kleefwerende kossproei. Skep eetlepels vol beslag in die pan en plaas so 3 of 4 bloubessies op die nat deeg. Draai die plaatkoekies om wanneer borrels aan die bokant begin vorm. Braai nog sowat 1 minuut tot gaar. Herhaal met die res van die beslag. Sit voor met heuning en geroosterde amandels. Die gaar koekies kan ook gevries word vir die kosblik.

JONGSTE UITGAWE

Maart/April 2022

JONGSTE UITGAWE
SARIE is dié glanstydskrif van die Afrikaanssprekende vrou van Suid-Afrika.
Begin lees
Nuusbriewe: Registreer gratis

Registreer vir ons nuusbrief en bly op hoogte van die jongste SARIE-nuus.

Klik vir nuusbriewe
SLIMMER MET SARIE

Tuiskokke, raak slimmer met SARIE!

SLIMMER MET SARIE
Skerp jou vaardighede op met Herman Lensing se kookkursus.
Sien meer
SARIE BRUID: (VER)KOOP MY ROK EN ANDER DIENSTE
SARIE BRUID: (VER)KOOP MY ROK EN ANDER DIENSTE
Splinternuut! Nou kan jy ander bruide inspireer met jou trourok, -produk of -diens. Of inspirasie vir jou droomtroue binne die SARIE-wêreld kry.
Begin lees