genoeg vir 4

  • 250 ml tamatiesous
  • 100 ml worcestersous
  • 250 ml perskeblatjang
  • 30 ml mosterdpoeier
  • 30 ml chipotle-vlokkies
  • 50 ml olyfolie
  • 100 ml appelasyn
  • 100 g (125 ml) bruinsuiker
  • 30 ml gerookte paprika
  • 15 ml fyn komyn
  • sout en varsgemaalde swartpeper
  • 1 heel hoender

Verhit oond tot 180 °C. Meng al die bestanddele behalwe die hoender in middelslagpot. Bring mengsel tot kookpunt en verwyder van hitte. Laat effens afkoel. Gebruik kombuisske^r en knip die rugbeen van die hoender los. Draai hoender om en druk plat met handpalms sodat die boude en dye langs die bors sit. Plaas plat hoender in oondroosterbak en geur goed met sout en peper. Gooi marinade oor hoender en maak bak toe met foelie. Oondrooster vir 35 minute. Terwyl hoender in oond is, kry kole mediumwarm. Plaas hoender met velkant na onder in toeklaprooster en braai stadig oor warm kole tot goudbruin en deurgaar, sowat 20 minute. (Draai elke nou en dan om en verf met marinade in roosterpan.) Sit warm voor.