Ja, hierdie soort skoen het ’n wêreld en wetenskap van sy eie – en dit is ’n duur belegging. Daar is ’n tekkie vir elke tipe voet en hardloopstyl, juis daaroor is dit belangrik om rég te kies.
5 wenke om die regte paar te kies
Volg hierdie wenke en raadpleeg jou naaste sportwinkel.
Wenk 1: Maak seker dis vir hardloop
Anders as jou gewone dra- of modetekkies, is hierdie draftekkies spesifiek ontwerp om te keer dat jy ’n ernstige besering opdoen.
Dit absorbeer nie net die skok nie, maar bied ook ekstra ondersteuning vir jou voet. As jy hou van mooi skoene, wees gerus, daar is baie mooi draftekkies op die mark.
- Maar onthou dit moet reg wees vir jóú voete.
Wenk 2: Die regte pasmaat is noodsaaklik
Klink vanselfsprekend, maar as jou tekkies nie reg sit of pas nie, gaan dit jou hele draf-ervaring onaangenaam maak.
Onthou: Die beste tyd om ’n tekkie aan te pas is in die namiddag of aand. Hoekom? Jou voete is geneig om te swel gedurende die dag en as jy hardloop, sodoende sal jy presies weet as die tekkie jou onnodig druk.
Maar dit moet jou pas, dit moenie jou seermaak of te los sit nie, jy moet omtrent nie eers dit voel nie.
- Jy kry ’n “skraal” tekkie en ’n “wye” tekkie. Gewoonlik is mans se tekkies ’n D, terwyl vroue s’n ’n B is.
Wenk 3: Kies die regte tipe tekkies
Ons het gesê dís ’n wetenskap. Jy kry drie tipes: Elkedag, liggewig, grondpad (trail).
- Elke dag
Hierdie tekkie is geskik vir veeldoelige hardloop-aktiwiteite van grondpad tot teerpad. Dit hou langer en is duursaam.
- Liggewig
Hierdie tekkie is spesifiek vir diegene wat vinniger wil hardloop of aan wedlope wil deelneem. Hierdie tipe tekkie moet vinniger vervang word.
- Grondpad
Die tekkies het meer grip onder en die bokant is ook sterkter. Dit bied goeie weerstand teen weer of uitdagende hardloop omstandighede.
Wenk 4: Weet waarvoor jy betaal
Net oor die tekkie duur is beteken dit nie, dit pas by jou voet of omstandighede nie. Die meeste winkels het assistente wat jou kan help om ’n ingeligte keuse te maak.
Wenk 5: Hoogte
Party verkies ’n minimale kussinglaag tussen hul voete en die grond. Maar vir die meer “natuurlike”, amper gevoel van kaalvoet draf, verkies ander drawwers vir maksimale kussinglaag.
Tekkies wat by jóú tempo pas*
Vir spoed
Nike, Totalsports
New Balance, Totalsports
Vir daagliks hardloop
Hoka One One, takealot.com
Adidas, Totalsports
Vir grondpad
Asics, takealot.com
Nike, takealot.com
Bron: Running Warehouse
* Pryse onderhewig aan verandering sonder voorafkennisgewing.
Sluit aan en draf saam met SARIE!
Vergeet die raad wat jy by “kenners” om die koffiekan kry – ons het met SA se top-kundiges saamgespan en SARIE Draf Dit Af op die beste verslankingsformule gegrond.
Skop jou verslankingsreis af en kry ’n splinternuwe lyf in net 12 weke! SARIE Draf Dit Af is ’n aanlyn platform wat geskik is vir mans en vroue van alle ouderdomme en liggaamstipes.
Dit bevat maklik volgbare weeklikse oefensessies wat vet verbrand en ’n professioneel-ontwikkelde kilojoule-beheerde eetplan. Die twee werk saam om verstommende resultate te lewer.
- Slegs R499 – sluit vandag nog aan.
