Ek weet nie van julle nie, maar weens hierdie inperking sit my noupassende jeans stywer as ’n duikpak.

Die enigste muffin top waarvoor ek nou kans sien, is die een wat ek in ’n koffiewinkel of bakkery kan koop. So tot tyd en wyl die broek weer pas, is leggings my voorland. Maar modieus is die SARIE-modespan se middelnaam. Hier is dus geheime, wenke en uitrusting-idees sodat daai leggings sommer soos couture lyk.

7 stylreëls 

1. As dit ’n gat in het, dra jy dit nét by die huis - selfs al kan net miere se oë dit raaksien.

2. Dit geld vir wolletjies en donsies ook.

3. Maak seker dit skyn nie deur nie. ASSEBLIEF!

4. Ja, jy kan jou oefen-leggings dra. 

5. Die GROOTSTE geheim: Dra die régte onderklere.

6. As jy selfbewus voel oor jou heupe of hangboude (wat nonsens is!), dra ’n langer item bo-oor.

7. As jy leggings aanskaf, hou áltyd by donkerder kleure. Dis vleiend en lyk meer stylvol.

3 uitrusting-idees met leggings:

1. Koffie-afspraak

T-hemp, oorgroot hemp en baadjie: ’n wen-kombinasie vir enige afspraak.

Koffie date
Koffie date

T-hemp, Zara

Kunsleer-leggings, Zara

Denimhemp, Witchery

Baadjie, Trenery

Stewels, That Shoe Lady

Serp/masker, Superbalist.com 

Rugsak, Mandatory

2. Kantoor of Zoom-vergadering

Netjiese hemp of bloes en langer baadjie - dis die belangrikste elemente van hierdie kantooruitrusting. Jy kan ook ’n belt om jou middel sit. Vervang die baadjie met ’n oorgroot jas, ’n groot tendens vir die winter.

Werk uitrusting
Werk uitrusting

Leggings, Zara

Bloes, Mango

Oorgroot baadjie, Country Road

Belt, Zara

Masker, Fleur

Handsak, Mango

Zebravelmotief-hakskoene, Jeffrey Campbell by That Shoe Lady

Insteekskoene, Woolworths

2. Inkopies

Hierdie “sport-uitrusting” is perfek: ’n Top, tekkies en ’n trench-jas. Stileer dit sommer met ’n kep indien jy nie veel moeite met jou hare wil doen nie.

Uitstappie uitrusting
Uitstappie uitrusting

Leggings, Mango

Top, Zara

Jas, Mango

Serp, Country Road

Kep, Cotton On

Tekkies, Sportscene

Masker, Fleur