Masker: Stileer dit só

Deur Magdel Muller

23 Junie 2020

FOTO Instagram / AE Personalised.

Nóóit het ons gedink dat hierdie ’n onderwerp gaan wees waaroor ons skryf nie. Maar soos 2020 reeds gesê het: “Vat so!”

Die vlak van inperking daal en nuwe regulasies word byna elke week in plek gestel. Al hoe meer mense keer terug kantoor toe - totsiens, sweetpakbroek, jy was wonderlik!

Maar masker ... o, jy is die doring in my modevlees. Party van ons sukkel om ons uitrusting rondom hierdie item van veiligheid te stileer.

Moenie vrees nie, SARIE se modespan sal altyd hier wees. Hier volg ’n paar wenke en idees hoe jy kan aantrek.

Vir ’n spesiale geleentheid

Daar is geen sekerheid oor wanneer die dra van maskers iets van die verlede gaan wees nie. Intussen gaan ons al hoe meer kan terugkeer na die samelewing. Verjaardagvieringe, ’n aand in die restaurant en wie weet, selfs ’n intieme troue. Gebruik jou masker tot jou voordeel om jou uitrusting nóg treffender te maak.

Jou masker? Die modespan kies ’n blinkermasker (Mrs Rose).

Uitrusting-idee:

Restaurant uitrusting

Masker, Mrs Rose

Trui, Woolworths

Midi-romp, Zara

Stewels, Zara

Skouersak, Steve Madden

Vir die kantoor

Jy hoef nie ’n eenkleurige masker aan te skaf nie, speel eerder met patrone. Die geheim? Daar moet iewers ’n kleur wees wat jou uitrusting met jou masker verbind. Boer maak ’n plan ... die modester Olivia Palermo dra kleurvolle serpe as maskers.