KNUSGEVOEL: Slenterdrag (loungewear) het in 2020 gewild geraak. Dra breistofitems van kop tot toon, met ’n hak daarby vir ’n luukser gevoel. Grys trui met kraag (R429), H&M. Bypassende broek (R629), H&M. Insteekleerhakskoene (R1 099), Country Road. Keramiekoorbelle met geluksbeentjiedetail in koper (R250), Love Shouts. GROOTTES Trui: 34 – 44 Broek: 34 – 44
MAKSI-IMPAK ROK: ’n Maksirok is die perfekte dressup, dress-down rok vir warm of koeler dae. Hierdie roesbruin vallerok is die seisoen se moet-hê; beklemtoon jou middel met ’n belt en dra dit met stapstewels. Roesbruin maksirok met geplooide valle (R1 199), Poetry. Roomkleurige koordfl uweelbaadjie met fraiings (R4 999), Scotch & Soda. Belt van gevlegte tou (R299), Old Khaki. Hoed met strikdetail (vanaf R220), Woolworths. Roesbruin paisleypatroon-serp om hoed (R150), Old Khaki. Kunsleer-stapstewels (R699), Woolworths. GROOTTES Rok: 6 – 16 Baadjie: S – L
WEGBREEK-BROEK: In plaas van jeans, kies ’n gemaklike bruin broek vir jou naweek weg. Dra dit met iets blinks vir ’n aand om die braaivleisvuur. Bruin uitklokbroek (R799), Poetry. Blompatroon-hemp (R799), H&M. Blinkertop (R1 199), Simone Rocha X H&M. Leersandale met toubande (R1 199), Trenery. GROOTTES Broek: 6 – 16 Hemp: XS – XL Top: 34 – 42
NET MOOI MIDI: ’n Midiromp van breistof is luukser slenterdrag vir elke dag se dra – gemaklik dog stylvol, met die bonus dat dit nie kreukel nie. Perfek vir ’n naweek weg. Breistof-midiromp (R429), H&M. Blompatroon-T-hemp (R349), Levi’s. Trui met wit-en-kameelkleurige strepe (R399), Woolworths. Skulpvormige keramiekoorbelle (R250), Love Shouts. GROOTTES T-hemp: XS – L Romp: 34 – 42 Trui: XS – XL
BLOES-AFGUNS: ’n Tre ende bloes bly ’n wenner. Pleks van die gewone T-hemp, dra joune onder ’n oorbroek. Ligpienk vallebloes (R1 499), Country Road. Steenkleurige denimoorbroek (R899), Old Khaki. Beltsak (R799), Aldo. Sonbril met vierkantige lense (R2 790), Persol by Sunglass Hut. GROOTTES: Bloes: 4 – 16 Oorbroek: 6 – 16
DIE GROOT T: Moenie jou staatmaker-T-hemp vergeet nie. Kikker dit op deur dit onder ’n ander top te dra. Ligbruin T-hemp (R299), Poetry. Roomkleurige top met valledetail (R550), Old Khaki. Ruitpatroon-broek (R629), H&M. Roesbruin paisleypatroon-serp (R150), Old Khaki. Goue fraiingoorbelle met diamantédetail (R149), H&M. GROOTTES: T-hemp: 6 – 16 Top: 6 – 16 Broek: 34 – 42
VEELSYDIGE HEMPROK: Dra jou hemprok as ’n rok óf knoop dit oop en jy het ’n ligte jas vir daardie tussenin-weer. Kameelkleurige linnehemprok (R1 950), MMXMS. Roomkleurige sweetpaktop (R249), Woolworths. Blompatroon-broek (R529), H&M. Skouersak (R599) met bypassende luiperdvelpatroon-band (R299), Mandatory. Kort serp (R220), Lovisa. Diamantéoorskulpoorbelle (R200), Lovisa. GROOTTES: Hemprok: Op aanvraag Top: XS – XL Broek: 34 – 42
STOFOPSKOP-STEWELS: Stewels is die nuwe tekkie, ’n staatmaker saam met jou rokke of broeke. Die plat enkelstewel bly gróót in 2021. Plat swart enkelstewels (R1 799), Country Road. Kakiekleurige pofmoubloes met knope (R999), Witchery. Bypassende broek met belt (R1 199), Witchery. Seildoek-beltsak (R699), Country Road. GROOTTES: Bloes: 4 – 16 Broek: 4 – 16

Spesiale dank aan die Louw-familie vir hul gasvryheid tydens die skiet van die foto’s op hul plaas Sondagsfontein buite Durbanville.

GRIMERING & HARE Mary Gouveia van Lustre

ASSISTENT Tamika Devon