Die geskenksituasie by troues het al jare gelede begin handuit ruk. ’n Geskenklys van ’n paartjie is daar om aan vennote, kennisse en veraf familie wat nie gereeld persoonlike kontak het nie, ’n idee te gee waarvan die paartjie hou, nie om enigeen te verplig nie. Jy gee iets wat jy as gepas, bekostigbaar, nodig of oorspronklik beskou, basta met die res. Die beste troues op aarde is uitmergelend en hoogs vervelig vir mense wat reeds verby die troustadium beweeg het; om nog reëls en belaglike eise te stel is absolute nonsens. Ignoreer die twak, doen jou plig en volg jou goeie instink. Swak smaak regeer die aarde, ontsnap nou! Ek hoop Covid sorg vir intieme, ontspanne, veilige en minder gulsige troues.
