Die nuutste gier is om nie nét wit oogomlyner teenaan jou waterlyn te dra nie, maar ook jou oogarea op verskeie maniere daarmee te versier. Die idee is om wit oogomlyner soos enige ander gekleurde oogskadu te benader en die res van jou grimeervoorkoms eenvoudig te hou.
Kies 'n oogomlyner met hoë-gehalte-pigment sodat jy met net een veeg die perfekte voorkoms kan skep. 'n Minder goeie produk kan dalk slordig of streperig lyk as jy sukkel om dit aan te wend.
Die beste ding is wit oogomlyner komplementeer alle veltone. Dit staan uit en laat jou oë groot en "oop" lyk.
