In 2018 het die lob (of lang bob) koning gekraai. Die nuutste haartendens is om jou hare nóg korter te sny: die ikoniese bob is weer hoogmode.
Die aktrise Jessica Chastain, ’n natuurlike rooikop, dra al vir ’n geruime tyd haar hare in ’n moderne, asimmetriese lob. Nou is haar hare korter gesny en spog sy met ’n kuif.
Ons is gaande oor die kombinasie van ’n bob en moderne kuif by haar. Die langer kuif raam haar gesig en die lengte van die bob skep balans.
