Die vierde seisoen van die Netflix-reeks The Crown is in November vrygestel. Dié gewilde dramareeks is bekend daarvoor om lynreg al die belangrike geskiedkundige gebeure van die Windsors te vertel. Sedert die vierde seisoen waar die romantiese verhaal van prins Charles en prinses Diana ontvou, is alle oë nou nóg meer op die Britse monargie gerig.
En net soos in die 80’s en 90’s, steel prinses Di (Emma Corrin) harte. Kyk jy op sosiale media, is dit asof daar weer ’n herlewing van haar onthou-oomblikke, ikoniese uitrustings en gewilde haarstyle. Daar is veral drie prinses Di-haarstyle wat nou weer gewild raak!
