Ons almal geniet die buitelug in die somer, maar onthou, eksterne faktore soos die son, humiditeit, wind, chloor- en soutwater kan jou hare se glans steel. Volg dié top-raad vir ’n mooi, gesonde kroon.

As jy van nature ’n krullerige haartekstuur het, weet jy hoe moeilik dit is om kroeserigheid in toom te hou wanneer jy vogtiger dele van ons land, soos die kusgebiede, besoek. “Hare wat droog en beskadig is, absorbeer makliker vog vanuit die lug, wat veroorsaak dat jou hare van binne ‘swel’ en pofferig en kroeserig lyk,” sê Karen Botha, bemarkingsbestuurder van INOAR in SA.

As jy kroeserigheid wil beheer, is die geheim om genoeg vog in jou hare in te seël sodat dit nie so erg beïnvloed word deur die vogtigheid in die lug nie. Gebruik haarprodukte wat olies bevat en spesifiek ontwikkel is om kroeserigheid teen te werk.

Kyk net hoe mooi het die aktrise Reandi Grey met haar krulle op die Januarie-uitgawe van SARIE gelyk:

Probeer die produkte:

INOAR Argan Oil Thermoliss Anti-Frizz Styling Balm (R500) bevat arganolie wat bevog en help om die haarkutikel te seël sodat hare gladder lyk. By uitsoeksalonne of inoar.co.za

John Frieda Miracle Drops Hair Mask Frizz Smoothing (R40)

ellips Pink Hair Repair Hair Vitamin (R199) By Clicks.