Baie bruide kies neutrale naellak vir hulle troudag. Ligte, pastel pienk of deurskynende naellak is baie gewild. Dié kleure word as gepas vir bruide beskou.
Maar as jy gaande oor donker naellak of enigiets meer uitspattig is, hoekom dan nie? Jou troudag moet jou styl en smaak weerspieël. Jou hande gaan baie afgeneem word, so kies mooi!
Probeer een van die style:
1. Moenie bang wees vir kleur nie!
As jy gaande oor donker- of helder naellak is, moenie bang wees om dit self vir jou troudag te dra nie. Jou troudag is dié geleentheid om jou unieke smaak en styl tot in die kleinste detail te wys. Jou gekose kleur kan self mooi by die troue se tema of kleurskema inskakel.
2. Subtiele, neutrale kleure
’n Kleur wat jou gelaat komplimenteer kan baie treffend wees. Kies ’n tydlose kleur wat elegant by jou hele voorkoms sal pas. Pasop vir helder kleure wat aan stylneigings gekoppel word, dit kan vining verouderd lyk.
3. Versier jou naels
Naelkuns is die perfekte opsie om jou naels afgerond te laat lyk. Neutrale kleure werk goed saam met naelkuns. Só sal jou naels tog uitstaan, maar nie oorweldigend lyk nie.
Teken in en kry onbeperkte toegang tot 11 Afrikaanse tydskrifte en 35 koerante. Alles op een plek.
KIES JOU PAKKET
