As jy eers jou middeljare haal, kan dit voel of velveroudering onvermydelik is. Maar dit hoef nie so te wees nie! Jy kan óók bo 50 straal.

Vind ’n balans tussen aktiewe produkte en behandelings wat jou velprosesse ’n hupstoot gee, en produkte wat streel en troetel wanneer jou vel sensitief, geïrriteerd en droog voel. 

Jou aksieplan:

1. Herstel met ’n goeie nagroom

Wanneer jy slaap, is jou vel se herstelproses baie aktief. ’n Nagroom ryk aan aktiewe bestanddele sal die herstelproses help. Bestanddele soos peptiede, aminosure, seramiede en die koënsiem Q10 werk dieper en help om die vlakke van kollageen, elastien en hialuronsuur aan te vul.

2. Voed en bevog met ’n gesigolie

Omdat die bloedsirkulasie na jou vel afneem, word minder voedingstowwe na die epidermis gevoer. Jou vel word dunner en meer sensitief. ’n Gesigolie is noodsaaklik om ekstra voeding te gee, vog in te seël en jou velwand te versterk. 

3. Beskerm met ’n sonskerm

Jou vel se beskermingsmeganismes funksioneer nie meer so effektief nie. Wend daagliks sonskerm aan om jou vel teen sonskade en uitdroging te beskerm.

Eucerin Hyaluron-Filler Night Cream (R375)

Elizabeth Arden Good Night’s Sleep Restoring Cream (R399)

Skin Creamery Facial Hydrating Oil (R295). Beskikbaar aanlyn by www.faithful-to-nature.co.za

Clarins Blue Orchid Face Treatment Oil (R615)

Bioderma Photoderm Spot-Age SPF 50+ (R260)

Esse SPF 30 Organic Sunscreen (R650)