JOU VEL SE HORLOSIE

Unine van Rooyen, plaaslike opleier van Dermalogica, verduidelik jou vel volg jou liggaam se natuurlike sirkadiese ritme, of interne horlosie. “Met ’n gesonde sirkadiese ritme begin jou vel al omstreeks negeuur saans melatonien, die hormoon wat jou slaperig laat voel, vrystel. Kruip jy dan in, bereik jou vel sowat twee uur later sy piekhersteltyd.” Navorsing wys dat die vervaardiging van nuwe velselle in hierdie tyd tot drie keer vinniger as deur die dag is. Kollageenvervaardiging is ook vinniger en verhoogde bloedsirkulasie sorg dat meer voedingstowwe jou vel bereik en afvalstowwe weggevoer word. Deur dikwels minder as ses uur ’n nag te slaap, ontneem jy jou vel die kans omte normaliseer en te detoks. Dit lei tot inflammasie, pofferigheid en donker kringe om jou oe¨, vroee¨ lyntjies, plooie en ’n vel wat vaal lyk. Dis egter nie net die aantal ure wat jy slaap wat belangrik is nie, maar ook die gehalte van jou slaap.

DIEP SLAAP ’N MOET

Van die belangrikste prosesse vir jou lyf saans is die vrystelling van menslike groeihormone, wat hoofsaaklik plaasvind wanneer jy in die diepslaap-fase van jou slaapsiklus is, se^ dr. Bradley Wagemaker, mediese direkteur van Lamelle Research Laboratories, die maatskappy wat die plaaslike velsorgreeks Lamelle vervaardig. Die´ groeihormone stuur seine na jou vel om jou velstruktuur te herbou sodat lyntjies versag en jou vel fermer en meer elasties is. Hoe minder en slegter jy slaap, hoe minder tyd spandeer jy in die diepslaap-fase, wat oor tyd fyn lyntjies en plooie meer sigbaar maak en jou vel van binne en buite vroee¨r laat verouder.

FOTO Getty Images / Gallo Images

DI´T GEBEUR MET JOU VEL WANNEER JY SLAAP

  • Die vernuwing van selle vind vinniger plaas vir ’n helder, stralende vel.
  • Kollageenvervaardiging kry ’n hupstoot, wat die vorming van lyntjies en plooie vertraag.
  • Verhoogde bloedvloei na jou vel keer pofferigheid en donker kringe.
  • Die veloppervlak word herstel vir beter beskerming teen vogverlies en eksterne faktore.

UUR VIR UUR

21:00 -  Die hormoon melatonien, wat jou lyf gereed maak vir slaap en herstel, word vrygestel. Wend jou nag-velprodukte nou aan

23:00 tot 04:00 - Die vervaardiging van nuwe velselle en kollageen bereik hul piek en groeihormone word vrygestel. Jou vel absorbeer ook nou aktiewe bestanddele die beste.

04:00 tot 06:00 - Jou vel is in die´ tyd op sy droogste weens vogverlies deur die nag en is veral sensitief vir UV-lig. Wend so gou as moontlik soggens jou sonskerm aan.

HET JY GEWEET?

Drie. Dís die hoeveelheid jare wat ’n swak slaappatroon by jou voorkoms kan voeg.