Aknee is 'n alewige stryd wat keer op keer terugkeer. Daar is niks meer ontmoedigend as om na jou tienerjare steeds met aknee te sukkel nie. Die velsorghuis Kalahari berig aanlyn dat dit belangrik is om te verstaan wat die moontlike oorsake van aknee na jou tienerjare kan wees en wat jy omtrent daaraan kan doen.

FOTO Instagram / Lulu & Marula

1. Hormone

'n Hormoon-wanbalans kan tot aknee lei. Verhoogde vlakke van progesteroon in jou vel lei tot water-retensie. Dít plaas spanning op jou porieë en vernou jou porieë. Sodra olierigheid probeer om deur vernoude porieeë te beweeg, vorm aknee. 

2. Stres 

Sodra jy stres vervaardig jou liggaam meer kortisol wat testosteroon bevat. Testosteroon veroorsaak dat jou vetkliere dan geneig is om meer olie te vervaardig wat tot 'n veluitlsag kan lei. 

3. Velsorgroetine

As jy gereeld met grimering gaan slaap en nie ordentlik jou gesig was nie, is aknee jou voorland. Vuilheid, olie en bakterieë bou deur die loop van die dag op jou veloppervlak op. Dít lei tot aknee. 

FOTO Unsplash

4. Verkeerde velsorgprodukte vir jou vel

Dis noodsaaklik om te weet watter veltipe jy het en watter produkte juis tot daardie veltipe se behoeftes spreek. As jy 'n olierige- of kombinasievel het, moet jy byvoorbeeld velsorgprodukte gebruik wat 'n jeltekstuur het of nie olie bevat nie. 

5. Dieet

Aknee wat op jou ken of nek ontwikkel is moontlik 'n teken dat jy te veel suiwel inneem. Suiwel is moeiliker vir jou liggaam om te verwerk. Aknee kan 'n oorsaak daarvan wees. 

6. Jy vat te veel aan jou gesig

Ons is geneig om onbewustelik aan ons gesig te vat. Jou hande dra vuilheid en bakterieë na jou vel toe oor wat gou aknee kan veroorsaak. 

7. Reis

Faktore soos lugversorging en lugdruk aanboord kan jou vel gedehidreerd kan laat. Jou vel vervaardig dan meer olie as 'n reaksie teen dehidrasie. Oortollige olie lei na aknee.

Bronne: www.kalaharilifestyle.comwww.self.com