Met die draai van die seisoen is daar nou ’n nuwe gonswoord onder haarstileerders in Hollywood: “Cream Soda”-hare! En, nee, dis nie groen hare nie … Dié nuwe haarkleur-trend verwys na die liggoue kleur van die oorspronklike vanieljegeur Cream Soda-koeldrank, berig die Amerikaanse webblad Refinery29. Dis so gedoop deur die bekende Los Angeles-haarstileerder Sunnie Brook.

Fall #haircut + color inspo ???? Lovin' this cashmere texture + curtain fringe... and golden cream soda color x

A post shared by Sunnie Brook (@sunniebrook) on

Die afgelope paar maande het Sunnie al ’n hele paar van haar bekende kliënte, soos die aktrise Elisabeth Moss en model Hailey Baldwin, se hare dié warm blonde skakering gekleur. “Danksy ondertone van beige, bruin en goud is dit die perfekte tussenin-kleur en kan dit op blonde óf donker hare gebruik word,” het Sunnie aan Refinery29 gesê. Daarby help die kombinasie van goue skakerings om die illusie van ’n meer stralende, gesonde gelaat te skep omdat die meeste van ons se vel natuurlike geel ondertone het.

The Beyond hilarious @rosiehw today for @paige ?? @hungvanngo ?? @brycescarlett

A post shared by Bryce Scarlett (@brycescarlett) on

As platinumblond, vanjaar se gewildste haarkleur, net té waaghalsig voel, is dié beige haarkleur met subtiele wit en goue skakerings ’n goeie opsie vir die warmer maande.

En vir dié met donker hare is dit ’n slim manier om met ’n ligter haarkleur te eksperimenteer.

Veral noudat ligter hare weer ’n oomblik in die kollig geniet, dink ons dié mooi haarkleur gaan beslis trendy wees vir die komende somermaande. Wat dink jy?