Daar was Henry V aan die voorpunt van sy troepe. Vreesloos, heroïes, genadeloos. Die wapperende pluim bo-op sy helm in ’n bloedrooi robyn staangemaak.
Toe hy glo oor die kop geslaan is, het hy en die juweel dit albei oorleef.
Die slag van Agincourt in 1415 was ’n triomf vir die Engelse teen ’n Franse oormag. Nou word gesê Richard III het dieselfde robyn in 1485 by die slag van Bosworth gedra. Maar hy was minder gelukkig en het gesneuwel.
