Ons sien al sedert die wedstryd in 2011 begin het, hoe inspirerende vroue hul stories en menswees met die wêreld deel. Hoe dit sorg vir nuwe perspektief en bemoedig. 2023 is dalk net jou jaar!
As deel van die Top-5 vir SARIE Voorbladgesig sal jy saam met die wenner van SARIE Nuwe Gesig tydens ’n fotosessie in die Kaap afgeneem word. Die wenner word by ’n glansete op 2 November bekend gemaak en verskyn op die voorblad van ons Nov/Des-uitgawe.
In die aanwysing van SARIE Nuwe Gesig op SARIE.com, val die Top-5 een vir een weg totdat die wenner op 4 Oktober op die webtuiste aangekondig word. Sy sal op die voorblad van ’n kleiner weergawe van SARIE verskyn.
WAT GEBEUR VOLGENDE?
12 Mei: Inskrywings sluit vir SARIE Voorbladgesig en SARIE Nuwe Gesig
SARIE Voorbladgesig
30 Junie
Top-30 verskyn in SARIE se Julie/Augustus-uitgawe
1 September
Top-5 verskyn in die September/Oktober-uitgawe
20-22 September
Top-5 doen fotosessie in Kaapstad
2 November
Wenner word aangekondig tydens ’n glansete
3 November
Die SARIE Voorbladgesig-wenner verskyn op SARIE se November/Desember-voorblad en wen R10 000 kontant!
SARIE Nuwe Gesig
8 Augustus
Top-30 word aangekondig op SARIE.com
1 September
Leer ken die Top-5 op SARIE.com
20-22 September
Fotosessie van wenner in Kaapstad
4 Oktober
Aankondiging van wenner op SARIE.com
3 November
Die SARIE Nuwe Gesig-wenner verskyn op ’n effens kleiner weergawe van SARIE se November/Desember-uitgawe en wen ook R10 000 kontant!
Dertien jaar gelede het die eerste wenner van SARIE Voorbladgesig op ons voorblad gepryk – Alrie Velleman van Gqeberha.
Verlede jaar was Brittany Smith ons wenner.
En nou is dit tyd om ons 13de Voorbladgesig te kies. Dalk is dit jou jaar!
Dit is ook die vierde jaar dat ons SARIE Nuwe Gesig, spesiaal vir leerders van gr. 10 tot gr. 12, aanbied.
Ons vennoot van die afgelope vyf jaar, die Isa Carstens Akademie, kry boonop ’n nuwe spanmaat, African Extracts, en sáám is ons opgewonde om te sien wie vanjaar met die voorblad wegstap.
Gryp die geleentheid aan om deel te wees van iets besonders!
