Ontmoet ons vyf fenomenale finaliste. Hulle is interessant, gedrewe, passievol, avontuurlustig.
Onder hulle ’n onderwyseres van Vanderbijlpark, ’n mediese dokter van Johannesburg, sake-eienaar van Hermanus, balletonderwyseres van Pretoria en ’n operasangeres van Kaapstad. Hulle deel ’n droom: Om SARIE se Voorbladgesig-wenner 2022 te wees.
Binnekort sal die finaliste in Kaapstad bymekaarkom om deur een van SA se bekendste fotograwe, Leana Clunies-Ross, afgeneem te word. Soos julle, kan ons nie wag om te sien wie op daardie November-Desember-voorblad gaan pryk nie.
