In kykNET se nuwe reeks, Evita in Excelsior, kry Suid-Afrika se bekendste “tannie” wat haar toekom
Evita in Excelsior is ’n dramedie van vier episodes geskiet in ’n dokumentêre styl. Dit sluit van Evita Bezuidenhout se geliefde storiemonoloë in en ’n paar ikoniese onderhoude wat herinner aan haar veelbewoë geskiedenis en belangrike bydrae tot Suid-Afrika.
Evita het in 2001 die Living Legacy-toekenning ontvang van die Woman’s International Centre in San Diego, Kalifornië, vir haar bydrae tot die plek van vroue in die laaste dekade.
