Hy speel al vir vyf jaar Thomas en het destyds die rol losgeslaan ná ’n hele paar oudisies. “Die proses het amper ses maande geneem omdat my TV-ma, Esti, gespeel deur Reandi Grey, ook eers ge-cast moes word en die gelaatstrekke en ooreenkomste moes natuurlik geloofwaardig wees,” verduidelik hy.
Vian, wat nou 17 is, is onlangs gekroon as die nuwe Afrika-kampioen in skopboks (kickboxing) nadat hy goud verower het by die Afrika Interkontinentale Kampioenskappe.
Vian vertel hy het op sewejarige ouderdom saam met sy pa, Anthony Singleton, met karate begin. “Ek het tot my blou gordel gevorder, maar my fokus het toe geskuif na ander sporte soos rugby en atletiek vir die res van my laerskoolloopbaan.”
