Louis was die afgelope paar jaar te siene in die kykNET-sepie, Getroud met rugby, wat verlede jaar geëindig het.
Sean van Noordwyk, wat die rol van Reitz Bekker vertolk het, vertel Louis was van die begin van sy loopbaan af, vir hom ’n inspirasie. “Die eerste dag wat ek by GMR begin het, het hy vir my gekyk en met hierdie ongelooflike sterk stem gevra, ‘Is jy Antoinette se student?”
Hy het aan Universiteit Stellenbosch studeer, en Antoinette Kellermann was sy dosent. Louis en Antoinette het mekaar goed geken. “Sy het vir hom gevra, toe sy weet ek gaan begin op GMR, dat hy asb na my moet kyk.”
