Cindy vertolk die rol van Annelize Roux, die kliniek se nuwe hoof uitvoerende beampte, in die gewilde kykNET-sepie Binnelanders – waarvan die nuwe seisoen Maandag 6 Junie sal begin.
Cindy het Maandagoggend haar verhouding met mede-akteur Craig Urbani, (oftewel Jeremy Gavins in Binnelanders) op sosiale media aangekondig. Hulle het mekaar op die stel van die sepie ontmoet.
“Ek en Craig verstaan mekaar op soveel verskillende maniere. Ons lag verskriklik lekker vir mekaar. Hy is ongelooflik snaaks!” vertel Cindy aan SARIE.com.
