Boer Hennie, van die Swartland-area naby Moorreesburg in die Wes-Kaap, vertel “aan die begin (van die program) is ’n mens maar skrikkerig, ongemaklik en senuweeagtig want jy weet nie wat om te verwag nie.”
Die hele ervaring was egter vir Hennie ’n lekker belewenis. “Die moeilikste ding vir my was om met die vroue op kamera te gesels – om te besluit waaroor jy gaan gesels, en omdat die tyd beperk was. Mettertyd raak dit darem gemakliker. Dit was op die ou einde so lekker!”
Die boer beskryf homself as iemand wat maklik inskakel en daarvan hou om nuwe avonture aan te pak. Hy is betrokke in sy gemeenskap en hou daarvan om te help waar hy kan.
