Hulle gee hul alles, speel hul hart uit, en wanneer hulle in die Groen-en-goud op die veld uitdraf teen die wêreld se bestes, hou ons asem op. ’n Nasie se hoop is op hulle. Soos nou in Japan, waar hulle meeding om die gesogte Webb Ellis-trofee. Maar wie is die Bokke by die huis, wanneer hulle ontspan en tussen hul geliefdes is? Wat is die dinge wat hulle laat tiek? SARIE het gaan uitvind.
“Nou moet ons glo.” Dít is wat die slot Lood de Jager altyd sê as dinge nie goed gaan nie. Só vertel sy vrou, Constance, wat tans haar internskap as sielkundige voltooi.
“Hy glo altyd jy moet daarop fokus om dinge beter te maak en dan moet jy gló dit gaan gebeur. Hy is ook baie krities oor sy eie spel.”
