Die mooie aktrise Tracey-Lee Oliver, wat die rol van Pam in Diepe Waters vertolk, vertel dit gaan baie goed met haar, al raak dit deesdae al hoe kouer.
“Ek sit gereeld voor die verwarmer en leer my lyne vir my Diepe waters-tonele,” lag sy. “Pam vat die meeste van my tyd op die oomblik. Sy is my fokus en ek is so gelukkig om dit te doen.”
Pam Joubert is Zelda se dogter. Zelda, vertolk deur Sandi Schultz, word gesien as die antagonis of moeilikheidmaker in die storie. “Dit hang seker maar af hoe jy daarna kyk, of watter dag dit is!”
