Die reeks volg die lief en leed van ’n groepie aweregse karakters wat betrokke is by ’n hardewarewinkel in George.
Bekende karakters van die reeks keer terug. Brümilda van Rensburg vertolk steeds die naamrol teenoor Annelisa Weiland (Annetjie) terwyl Duncan Johnson (Ian), Wian Taljaard (Dirkie) en Carmen Maarman (Maggie) steeds sorg vir heerlike vermaak.
Hierdie keer is die bekende akteur Chris van Niekerk te siene in die rol van die geliefde Frans. Eric Nobbs, wat voorheen die rol van Frans vertolk het, het tydens die produksie van die reeks op 23 Oktober 2022 gesterf. Eric sal wel nog tot in die derde episode as Frans te sien wees, maar in daaropvolgende episodes vertolk Chris dié rol.
