“Ons is oneindig dankbaar en opgewonde,” vertel Donnalee, wat sowat ses maande swanger is, eksklusief aan SARIE.com.
Die paartjie was so besig om die koms van hul kleinding in die werklikheid te vier, dat dit amper nie eens by hulle opgekom het, om die nuus voor nou op sosiale media te deel nie.
“Dit was alles behalwe ’n geheim! Almal wat ’n pad saam met ons stap deel al van die begin af saam met ons in hierdie wonderlike nuus. As ek iewers instap sal jy sommer sien hoe opgewonde ek is om weer swanger te wees. Ek is absoluut in verwondering oor wat my lyf besig is om te doen!”
