Hulle het in Maart verlede jaar, op Anlia se verjaarsdag, in Frankryk verloof geraak.
Die paartjie is in La Paris se roostuin getroud, onder die bome voor die historiese wit klok, wat gelui het toe Anlia die paadjie afgestap het.
Haar naaswit trourok, deur die Suid-Afrikaanse ontwerper Anel Botha, was romanties met ’n lang, dramatiese sleep, terwyl Eben ’n swart tuxedo en strikdas gedra het. Die Bokkaptein, Siya Kolisi, was een van sy strooijonkers.
